Гаранции

Со измените и дополнувањето на Законот за Развојна банка на Северна Македонија („Службен весник на РСМ“ бр. 77/21), во Развојна банка на Северна Македонија се формираше Гарантен фонд како посебна организациска единица – одделение за Гарантен фонд во рамки на Секторот за кредитирање и комисиони работи. Гарантниот фонд е столбот на кредитно-гарантната шема преку која се поддржува приватниот сектор, преку обезбедување на дел од колатералот за кредити одобрени од банки и штедилници.

Гарантниот фонд е формиран со средства од Буџетот на Република Северна Македонија, во износ од 15 милиони евра.

Рамките на кредитно-гарантната шема, ограничувањата на Гарантниот фонд, начинот на финансирање, прифатливи кредити за гарантирање, како и известувањето се уредени со самиот Закон.

Од Гарантниот фонд, се реализираат два производи:

• Портфолио гаранции кон банка или штедилница, за новоодобрени кредити на микро, мали и средни трговци; 
  Максималниот износ на гаранција е до 80% од кредити класифицирани во А категорија на ризичност за обртни средства, до 50% од кредити класифицирани во А категорија на ризичност за основни средства и до 35% од кредитите класифицирани во Б категорија на ризичност за основни или обртни средства.

• Индивидуални гаранции за големи трговци кои вршат извоз (најмалку 30% од приходите во последната фискална година да доаѓаат од извоз), со кои се гарантира во име на компанијата кон банка или штедилница.
  Максималниот износ на гаранција е до 50% од износот на кредитот.